App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Julie Anne Lindsey

1. bók af 6 í seríunni Heartland Heroes. Hann er ákveðinn í að leysa þetta óleysta mál og bjarga konunni sem hann hefur aldrei gleymt...
Lucas Winchester, besti rannsakandinn hjá kyn­ferðis­brotadeildinni, hefur aldrei hætt að hugsa um manninn sem réðist á unnustu hans af mikilli grimmd og eyðilagði líf þeirra til frambúðar. Sex árum síðar leitar Gwen Kind hann uppi til að biðja um hjálp eftir að henni er hótað og Lucas verður ákveðinn í að leysa þetta óleysta mál sem ásækir þau. Hann leggur sig allan fram við að tryggja öryggi Gwen en það er kannski ekki nóg til að leika á slægan glæpamann...

Ásútgáfan

Heartland Heroes

Öryggisgæsla

Þórey Einarsdóttir

Rósa Vestfjörð Guðmundsdóttir

2. bók af 6 í seríunni Heartland Heroes. Getur rannsakandinn séð um að ekkert komi fyrir lykilvitnið og ófædda barnið þeirra?
Maisy Daniels er í verndargæslu en þegar leigu­morð­­ingi ræðst inn í skjólshúsið leggur hún á flótta til að finna eina manninn sem getur veitt henni öruggt skjól. Blaze Winchester er annað og meira en rann­sakand­inn sem rannsakaði málið þegar tvíbura­systir Maisy var myrt; hann er líka faðir barnsins sem hún gengur með. Getur Blaze stöðvað morðingjann, sem gerir allt sem hann getur til að koma í veg fyrir að Maisy geti borið vitni við réttar­höldin, og verndað Maisy og barnið sem skipta hann mestu máli í lífinu?

Vitnavernd

3. bók af 6 í seríunni Heartland Heroes. Einhver vill hana feiga en viðkomandi þarf að komast framhjá honum til þess að ná henni
Eftir að Allison Hill kemur á vettvang morðs verður hún skotmark mansalshrings sem hikar ekki við að myrða til að hylma yfir glæpi sína. 
Derek Winchester einkaspæjari setur það í forgang að sjá um öryggi þessarar hugrökku konu og ungrar dóttur hennar, án þess að láta eigin tilfinningar trufla sig. Sérþjálfun hans og ákveðni er þó kannski ekki nóg til að stöðva glæpamennina sem bera enga virðingu fyrir manns­lífum og nálgast Allison, hægt og sígandi.

Glæpahringurinn

4. bók af 6 í seríunni Heartland Heroes. Hún ætlar að láta sig hverfa. Það vill hann alls ekki.
Gina Ricci á von á barni. Fyrrverandi kærastinn hennar er stórhættulegur og hún verður að komast frá honum í hvelli. Einkaspæjarinn Cruz Winchester er ákveðinn í því að hún verði að leita réttar síns, ekki fara í felur, því það sé eina leiðin til að tryggja öryggi barnsins. Cruz og lögreglufólkið í fjölskyldu hans tekur höndum saman til að verja Ginu og hún heillast sífellt meira af myndarlega verndaranum sínum. Meira og meira. En þá verður fjölskylda hennar fyrir árás og það er mikið í húfi...

Feluleikur

5. bók af 6 í seríunni Heartland Heroes. Hún er tilbúin til að skora morðingja á hólm til að vernda barnið sitt.
Þegar Jen Jordan fer að leita að meðleigjanda sínum stendur hún augliti til auglitis við vopnað­an mann og sleppur naumlega frá honum. Hún leitar til Knox Winchester, besta vinar látins unnusta síns, og biður hann um aðstoð. Þegar hættan, sem steðjar að þessari viljasterku móð­ur og ungum syni hennar, kemur inn á heimili hennar lendir Knox í kapphlaupi við tímann til að geta verndað Jen og barnið hennar og flett ofan af glæpamönnunum sem stofna lífi þeirra allra í hættu.

Horfna vitnið

6. bók af 6 í seríunni Heartland Heroes Getur Nash stöðvað morðingjann sem eltist við Lönu, konuna sem Nash var einu sinni í sambandi með, áður en hann glatar henni... aftur?
Þegar Lana Iona, kokkur í Great Falls, verður næsta skot­­mark hættulegs morðingja setur ríkis­lög­reglu­mað­urinn Nash Winchester það í mesta for­­gang að ná þessum hættulega manni. Lana er eina vitnið að morði og Nash neyðist til að takast á við ólýsanlega hættu til að ná að vera skrefi á und­an útsmognum and­stæð­ingi sínum. Nash og Lana geta hvergi stoppað á flóttan­um en getur ríkis­lög­reglumaðurinn komið í veg fyrir að morðinginn þaggi endanlega niður í konunni sem Nash hefur aldrei gleymt?