App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Kim Faber

Janni Pedersen

Allir í dönsku lögreglunni vita hver Martin Junckersen er. Einn reyndasti og besti rannsóknarlögreglumaður landsins, vel giftur, tveggja barna faðir. En Juncker hefur orðið á og tekið hliðarspor. Hann hefur verið fluttur til í starfi og býr nú í litlu syfjuðu sveitaþorpi á Suðaustur-Sjálandi. Honum hefur verið falið að stýra nýrri lögreglustöð í þorpinu og ætlar jafnframt að nýta tímann til að hugsa um aldraðan heilabilaðan föður sinn. Ekki ætti þetta að kalla á mikil átök en fyrr en varir fær hann stórbrotið morðmál inn á borð til sín. Karlmaður finnst látinn og eiginkona hans er horfin. Enginn hefur orðið neins var, engar vísbendingar er að finna og engin augljós ástæða virðist vera fyrir morðinu.

Fyrrverandi félagi Junckers í Kaupmannahafnarlög-reglunni, Signe Kristiansen, er enn í sínu gamla starfi í Kaupmannahöfn. Hún hlakkar til rólegra og notalegra jóla með fjölskyldu sinni en allt breytist þegar öflug sprengja springur á jólamarkaði í miðborg Kaupmannahafnar. Signe er ein þeirra sem stýrir leitinni að sprengjuvörgunum en fáar vísbendingar er að finna og slóðin virðist köld – þar til hún fær ábendingu sem beinir málinu í farveg sem henni hefði ekki einu sinni komið til hugar í sínum villtustu draumum.

Kaldaslóð er fyrsta skáldsaga blaðamannahjónanna Kims Faber og Janni Pedersens og hefur slegið í gegn í Danmörku og víðar. Hún birtist hér í frábærum lestri Jóhanns Sigurðarsonar.

Jóhann Sigurðarson

Storyside

Juncker

Kaldaslóð

Ólafur Arnarson

Juncker er enn í Sandsted þjakaður vegna martraða í kjölfar dauða föður hans. Þegar lögmaður í bænum finnst myrtur í almenningsgarði bæjarins sogast hann inn í umfangsmikla rannsókn sem hefur meðal annars þræði til hans eigin fortíðar.

Í Kaupmannahöfn fær Charlotte konan hans, sem er blaðamaður, nafnlausa vísbendingu: Hægt hefði verið að koma í veg fyrir hryðjuverkaárásina skelfilegu í Kaupmannahöfn hálfu ári fyrr. Charlotte gengur á Juncker sem tók þátt í rannsókninni á hryðjuverkaárásinni en hann neitar með öllu að kannast við neitt slíkt. Hann óttast um líf sitt og Charlotte fari hún að stinga nefinu í málið.

Signe, gamli félagi Junckers í Kaupmannahafnarlögreglunni er tilkippilegri til að aðstoða blaðamanninn en hefur í mörg horn að líta. Hjónaband hennar er komið að fótum fram og hún enn heltekin af hefndarhug gegn manninum sem nauðgaði henni. Þegar í ljós koma tengsl milli hryðjuverkamálsins og líks sem finnst í Kongelunden gefur Signe skít í allt saman og stingur sér út í djúpu laugina í leit að sannleikanum.

Meinsemd er önnur bókin um lögreglumanninn Juncker og sjálfstætt framhald Kölduslóðar sem kom út í maí 2021.

Meinsemd

Röð af hrottalegum morðum á konum vekja mikinn óhug í Danmörku. Fórnarlömbin eru skilin eftir á einstaklega niðurlægjandi hátt. Dularfullar vísanir finnast á vettvangi. Hvað er hér á ferðinni? Getur verið að raðmorðingi gangi laus? 
 
Ofbeldisglæpadeild Kaupmannahafnarlögreglunnar, með þau Juncker og Signe í fararbroddi, fær hér stórt og erfitt verkefni í hendurnar. Juncker er hins vegar komin í eigin íbúðarholu eftir skilnaðinn og þar að auki nýbúinn í aðgerð vegna krabbameins, sem hann vill helst að sem fæstir viti um. Signe reynir að lappa upp á samband sitt við launfrekan eiginmanninn eftir framhjáhaldið, en rannsókn málsins tekur sinn toll. 
 
Kyrkjari er þriðja bókin í þrælspennandi ritröðinni um Juncker og Signe eftir blaðamannahjónin Kim Faber og Janni Pedersen og hefur slegið í gegn í Danmörku og víðar. Hún birtist hér í frábærum lestri Jóhanns Sigurðarsonar.

Kyrkjari