App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Gunnar Helgason

„Kæri lesandi, Heldurðu að þú eigir klikkaða mömmu? Bíddu þangað til þú lest um mína! Einu sinni var hún skemmtileg og frábær og fjörug en upp á síðkastið hefur hún snarversnað. Það finnst það öllum!!! Ég gæti gefið þér fullt af dæmum svo þú trúir mér en það er betra að geyma þau bara inni í bókinni. En engar áhyggjur. Ég er með áætlun. Áætlun: Breytum mömmu! Hún getur ekki klikkað. Og ef þú átt klikkaða mömmu geturðu lært hvernig á að laga hana eins og ég. Opnaðu bara bókina og sjáðu hvernig mér gengur! Kveðja, Stella 12 ára (aaaaalveg að verða 13)“ Gunnar Helgason skipaði sér í hóp vinsælustu Barnabókahöfunda landsins með Fótboltasögunni miklu. Hér sendir hann frá sér drepfyndna sögu um háalvarlegt vandamál sem öll fjölskyldan mun njóta þess að lesa, ekki síst klikkaðar mömmur.

Skynjun

Forlagið

Stella

Mamma klikk!

Kæri lesandi, hér er komin önnur bók um mig, Stellu (manstu, þessi sem átti klikkuðu mömmuna). Sagan gerist á jólunum - sem ég ELSKA - en nú stefnir allt í vitleysu. Á ísskápnum hangir langur listi yfir allt sem þarf að gera og verkstjórinn er enginn annar en PABBI PRÓFESSOR. Það er ekki séns að þetta náist. Svo er hitt. Allir eru allt í einu orðnir skotnir í einhverjum ... nema ég. Hver vill líka ... Æ, þú veist. Það er samt einn strákur ... þú verður bara að lesa bókina ef þú vilt vita meira. Kveðja, STELLA

ATHUGIÐ FORELDRAR! Bókin gæti innihaldið viðkvæmar upplýsingar um jólasveinana!

Pabbi prófessor

Kæri lesandi,

Stella hér! Ef þú hefur lesið Mömmu klikk eða Pabba prófessor veistu hver ég er. En þú getur ekki ímyndað þér hvað gekk á vikurnar áður en ég fermdist. Það var svo rosalegt að ég varð að skrifa nýja bók. Ég vil ekki segja of mikið en hér kemur við sögu keppni upp á líf og dauða, líka sjálfur DAUÐINN (ég er EKKI að grínast) og loks amma Köben – amma best.

Góða skemmtun!

kveðja, Stella (sprelllifandi)

---
Gunnar Helgason hefur fyrir löngu skipað sér í hóp vinsælustu barnabókahöfunda landsins. Fyrri bækurnar um Stellu og fjölskyldu hennar slógu rækilega í gegn og fyrir Mömmu klikk hlaut hann Íslensku bókmenntaverðlaunin í flokki barnabóka.

Amma best

Kæri lesandi,
Þetta er ég aftur, Stella, þessi sem dó næstum úr skömm í Mömmu klikk, bjargaði jólunum í Pabba prófessor og dó næstum í alvörunni í Ömmu best. Miðað við það gerist nú ekki mikið í þessari bók – DJÓK – það er ekkert grín hvað það gengur mikið á í kringum mig. Lestu bara og sjáðu!
Kveðja,
Stella

-

Gunnar Helgason er í hópi vinsælustu barnabókahöfunda landsins og bókaflokkurinn um Stellu hefur slegið rækilega í gegn. Fyrir Mömmu klikk, Pabba prófessor og Ömmu best hlaut hann Bókaverðlaun barnanna og að auki Íslensku bókmenntaverðlaunin og Bókmenntaverðlaun starfsfólks bókaverslana fyrir þá fyrstnefndu.

Siggi sítróna

Gunnar Helgason er einn ástsælasti höfundur landsins og fáar barnabækur hafa notið viðlíka vinsælda og bókaflokkurinn um Stellu. Allar bækurnar hafa hlotið Bókaverðlaun barnanna og sú fyrsta, Mamma klikk, hreppti auk þess Íslensku bókmenntaverðlaunin. Eftir henni var gerð vinsæl leiksýning hjá Gaflaraleikhúsinu og leikhúsgestir – eins og aðdáendur Stellu um allt land – kröfðust þess að heyra meira um hana. Hér kemur saga fyrir þá! Kæri lesandi, Eftir allt sem gekk á í Mömmu klikk, Pabba prófessor, Ömmu best og Sigga sítrónu heldur þú kannski að allt sé orðið rólegt. En óóóónei! Litlu tvíburakrúttin hafa alveg snúið lífi mínu á hvolf. Og það sem verra er: Palli bróðir er gjörsamlega að klúðra lífi sínu!!! Og auðvitað verð ég að bjarga honum! (Eins gott að Þór er ekki með neitt vesen).
En ómægod, hvar væri þessi klikkaða fjölskylda án mín? Kær kveðja, Stella (bjargvættur og meistara kærasta… já og meistaraþjófur!)

Mál og menning

Palli Playstation

Hanni granni dansari er sjötta bókin í sagnaflokknum vinsæla um Stellu og fjölskyldu hennar: mömmu klikk, pabba prófessor, ömmu best og ömmu Köben, bræðurna Sigga og Palla, og nýfæddu tvíburana, auk vinanna og Þórs sem stundum er kærasti og stundum ekki. Nú fær Hanni granni loksins sína sögu og óhætt að segja að níski nágranninn, sem er kominn með annan fótinn inn í fjölskylduna, komi hér rækilega á óvart.

Hanni granni dansari hlaut Íslensku hljóðbókaverðlaun Storytel í flokki barna- og ungmennabóka árið 2024.

Hanni granni dansari

Kæri lesandi. Hver hefði trúað því að MÓTOR-KROSS væri svarið við öllum okkar vandamálum?! Hvort sem það er RUGLIÐ í Þór, HRIKALEG vandræði Bellu gellu eða að pabbi GETI EKKI HÆTT að flytja ástarljóð um nak … hérna hér líkama mömmu?? Þetta lagast allt þegar man er komið í gallann, með hjálminn og gleraugun, og gefur allt í botn. Og hver átti hugmyndina að þessu mótor-kross-ÆÐI? Ég! Stella Erlings … já, eða sko … Siggi … og Bella … Ómægod, þið lesið þetta bara sjálf!

Gunnar Helgason þarf vart að kynna fyrir íslenskum börnum, lesendum, öfum og ömmum. Bækurnar hans um Stellu og skrautlega fjölskyldu hennar eru í uppáhaldi hjá þeim öllum, auk þess sem þær eru margverðlaunaðar og stjörnum hlaðnar af hátíðlegum gagnrýnendum. Eftir ófáar ábendingar krakka um allt land um hvaða persóna ætti að vera í fókus í sjöundu bókinni er nú loksins komið að Bellu gellu krossara.

Bella gella krossari

Gunnar Helgason er í hópi vinsælustu barnabókahöfunda landsins og bókaflokkurinn um Stellu hefur slegið rækilega í gegn. Fyrir Mömmu klikk, Pabba prófessor og Ömmu best hlaut hann Bókaverðlaun barnanna og að auki Íslensku bókmenntaverðlaunin og Bókmenntaverðlaun starfsfólks bókaverslana fyrir þá fyrstnefndu.