Kalla saknar Atla frá Hólabæ. Þær Júdda fara í heimsókn á Bakkann. Steindór á Bjarnarstöðum öfundast út í Atla. Björg sér eftir Köllu sem ráðskonu, þó hún hafi ekki kunnað að meta hana á sínum tíma. Bjarnarstaðabóndinn mætir í heimsókn til Köllu í hús Mýrarkotsfólksins í Reykjavík að kvöldi til. Hann nær að króa hana af úti í horni og ætlar að fá vilja sínum framgegnt. Hann keyrir fullur af stað í sveitina og lendir næstum í árekstri, keyrir út af og slasast. Kalla fréttir að Mýrarkot sé til sölu, falt þeim sem bjóði best. Kalla kaupir Mýrarkot og fær með sér bæði foreldra sína og tengdaforeldrana og uppbyggingin hefst. Dalsárhyskið verður frá að hverfa þegar Ísak gamli er orðinn of veikur til að búa lengur og Ljótunni tekst loks að hitta Júddu. Þetta er síðasta bókin um Köllu og gerist að mestu á Bakkanum. Hér eins og svo oft áður tekst Guðrúnu frá Lundi að fanga hug og hjörtu lesenda á sinn einstaka hátt, með því að gæða persónur sínar lífi svo lesandinn hverfur meira en heila öld aftur í tímann. Hún sendi frá sér sextán skáldsögur alls, sumar í mörgum bindum, og var áratugum saman einn alvinsælasti höfundur landsins.

© 2022 Lesbók (Hljóðbók): 9789935222954

Útgáfudagur

Hljóðbók: 5 december 2022