Kínverjinn, eftir sænska metsöluhöfundinn Henning Mankell, er gífurlega spennandi saga um hatur og hefnd þar sem höfundurinn er algjörlega í essinu sínu. Mankell ferðast vítt og breitt með lesandann og heldur honum í heljargreipum allt fram á síðustu síðu.

Í ársbyrjun 2006 eru framin óhugnaleg morð í litlu þorpi í Svíþjóð þar sem eingöngu býr eldra fólk. Í ljós kemur að öll fórnarlömbin eru skyld; öðrum þorpsbúum var hlíft. Kunnur ofbeldismaður játar á sig verknaðinn en Birgitta Roslin dómari trúir honum ekki. Hana grunar að kínverskur maður sem dvaldi eina nótt á hóteli í nærliggjandi bæ tengist þessum hrikalegu glæpum. En hvers vegna ætti Kínverji að drepa sænska eftirlaunaþega?

Sögunni víkur alla leið til miðrar 19. aldar þegar kínverskir karlmenn voru fluttir tugþúsundum saman yfir hafið til Ameríku og skikkaðir í þrælavinnu við lagningu járnbrautarteina. Gamlir glæpir gleymast ekki.

„Kínverjinn er fyrst og fremst saga um hatur og hefnd sem umlykur margar kynslóðir. Þar tekst höfundinum frábærlega upp, hreint stórkostlega.“ - Aftenposten

© 2023 Mál og menning (Hljóðbók): 9789979348337

Þýðandi: Þórdís Gísladóttir

Útgáfudagur

Hljóðbók: 9 januari 2023