Dennis Nilsen var raðmorðingi og náriðill sem náði að myrða a. m. k. 12 manns áður en hann var handtekinn. Fórnarlömb hans voru fyrst og fremst samkynhneigðir menn og heimilislaust fólk sem hann pyntaði, myrti og hélt svo líkum þeirra föngnum í íbúð sinni svo vikum skipti. Fyrsta fórnarlamb hans var 14 ára drengur. Upp komst um Dennis Nilsen þegar skolpræsið í húsinu sem hann bjó í var stíflað af líkamspörtum. Eitthvert viðurstyggilegasta og óhugnanlegasta morðmál í sögu Bretlands. Blaðakonan og glæpasagnahöfundurinn Lone Theils hefur alltaf verið heilluð af sönnum sakamálum og raðmorðingjum. Afhverju drepur fólk, aftur og aftur? Er um að ræða hreina illsku? Eða er eitthvað annað sem spilar þar inn í? Hvernig kemst að lokum upp um morðingjana? Lone Theils hefur starfað sem blaðakona á Bretlandseyjum í 16 ár og í þessari þáttaröð beinir hún kastljósinu að frægustu raðmorðingjum Bretlands. Hún reynir að komast til botns í því hvað gerðist og reynir að skilja hvað fær sumt fólk til að drepa aftur og aftur. Í glæpasögum sínum sækir hún gjarnan innblástur í raunveruleikann en jafnframt hefur hún oft upplifað að raunveruleikinn geti verið hrikalegri en hvers kyns skáldskapur. Það á ekki síst við um morðin sem fjallað er um í hlaðvarpinu.

© 2021 Storytel Original (Hljóðbók): 9789180119818
© 2021 Storytel Original (Rafbók): 9789180366137

Þýðandi: Halla Sverrisdóttir

Útgáfudagur

Hljóðbók: 29 mars 2021
Rafbók: 21 december 2021